Sqarimi i fitnes së Arafat al-Muhammadi, Sheikhëve të Adenit dhe partisë së re.

Në emër të Allahut, të Gjithëmëshirshmit, Mëshirëplotit.

Lavdërimi i takon Allahut, Zotit të botëve, dhe paqja e bekimet e Allahut qofshin mbi Profetin tonë Muhamedin , mbi familjen e tij dhe mbi të gjithë shokët e tij.

Kjo faqe është kushtuar përmbledhjes së burimeve, argumenteve dhe sqarimeve në lidhje me fitnen e Arafat al-Muḥammadī, të Sheikhëve të Adenit dhe të partisë së re.

Është e rëndësishme të kuptohet se shumë nga ata që nuk e kanë ndjekur këtë çështje që nga fillimi i saj mund të mos e kenë të qartë pikën e vërtetë të mosmarrëveshjes që është në diskutim. Si rrjedhojë, kur ndeshen me përgjigjet, deklaratat, incizimet dhe shkëmbimet e ndryshme rreth kësaj çështjeje, ata mund të shohin vetëm një grumbull diskutimesh kontradiktore, ndërsa çështja e vërtetë e mosmarrëveshjes errësohet.

Kjo është veçanërisht problematike kur çështjet dytësore, diskutimet periferike dhe përgjigjet ndaj përgjigjeve përzihen me pikën fillestare të mosmarrëveshjes. Në rrethana të tilla, për dikë që i afrohet çështjes për herë të parë mund të bëhet e vështirë të përcaktojë se cila është mosmarrëveshja në të vërtetë, cilat pretendime po bëhen dhe çfarë trajtojnë në të vërtetë përgjigjet ndaj këtyre pretendimeve.

Për këtë arsye, materiali në këtë faqe do të renditet në pjesë të veçanta, ku secila pjesë trajton një çështje të caktuar. Në fillim të çdo seksioni do të jepet një hyrje e shkurtër për të sqaruar historikun ,temën dhe për të përcaktuar pikën konkrete që diskutohet. Më pas do të vijnë burimet, deklaratat, argumentet dhe sqarimet përkatëse që lidhen me atë çështje.

Qëllimi është ta bëjmë çështjen më të lehtë për t'u ndjekur dhe, më e rëndësishmja, të dallojmë pikat e vërteta të mosmarrëveshjes nga turbullimi dhe shtrembërimi që ngrenë rreth tyre të kritikuarit. Në këtë mënyrë, lexuesi mund ta shqyrtojë secilën çështje më vete, të kuptojë se çfarë kundërshtohet në të vërtetë dhe pastaj të shqyrtojë argumentet dhe përgjigjet që lidhen me të.

I lutemi Allahut ta bëjë të qartë të vërtetën, të na dhurojë sinqeritet dhe drejtësi në trajtimin e këtyre çështjeve dhe të na udhëzojë drejt asaj që e kënaq Atë.

Shënim: Kjo faqe nuk përmban, dhe nuk do të përmbajë, artikuj të shkruar në mënyrë të pavarur nga faqja e internetit. Përkundrazi, ajo synon vetëm të shërbejë si burim qëndror informacioni që të mundësojë lidhjen e njerëzve me shpjegimet, audio, artikujt dhe videot përkatëse në lidhje me këtë fitne.